海都海鮮酒家 (已結業)

喺湾仔附近行街，想食中餐又想坐得舒舒服服，见到呢间酒楼未试过，于是就入去试吓。由于当晚有宴会，被安排到偏厅用膳。先嚟餐前小食，银鱼仔炸得好酥脆，加埋淮盐花生，应该系送酒佳品。蜜汁烧鳝份量较少，计落都几贵；但鱼皮烧得香脆，食到蜜糖味，鱼肉爽爽哋，好香口惹味，正! 顺德生煎鸡嘅鸡皮煎到好脆，鸡肉嫩滑有鲜味，如果配料再爆得香啲入味啲就更好啦! 食完碟底有少少血水，鸡肉大约系9成熟。晚餐会送糖水，我拣咗雪耳木瓜糖水，木瓜食落清甜，雪耳软硬适中，糖水系少甜𠮶种，正合我口味，个人认为比出面不少糖水店售卖嘅更优胜。员工好有礼貌，而且服务态度都几好，食物质素又唔错，下次经开附近都会再帮衬。