米走雞Live

营业中

休息中

𠮶日我哋一家人又到咗观塘嘅米走鸡鸡煲店食晚餐，我哋喺呢度食咗咁多次，老豆都系叫一样嘅 汤底，就系惹味沙爹汤。我哋都系钟意食重口味嘅人，所以沙爹汤底好适合我哋。沙爹汤有少少 辣味，咸香味，同埋香甜味，多种味道混合埋一齐，饮落口𠮶阵仲有花生嘅香味，好开胃，配埋火 锅配料仲好食。必点嘅肉类有霜降Prime牛板腱，望落去油花分布得好平均，烚一烚就可以食，食落去可以感受到 牛肉嘅肉质好嫩，味道鲜美多汁，百食不厌。而我哋一家人最钟意食嘅海鲜系脆鲩片，脆鲩片食落去肉质特别软滑，喺口中仲可以感受到佢嘅 爽脆感，食落去仲好有咬口，系一道一定要试吓嘅海鲜。我哋最钟意食嘅蔬菜就系莴笋，系一定要食嘅一道菜，莴笋食落去口感鲜嫩清脆，入面嘅水分好 多，味道清香可口，真系好好食。呢度仲有好多其他嘅海鲜，肉类同蔬菜等等其他好食嘅食物，大家不妨嚟试吓。