米走雞Live

营业中

休息中

第一次同女朋友嚟呢度食鸡煲，佢哋嘅食物真系有惊艳到我，尤其是𠮶个火焰麻辣鸡煲，我哋到依家都仲系念念不忘，好想再去食。-火焰麻辣鸡煲-鸡煲上枱之后，侍应会嚟加酒点火，麻辣同酒香味香气扑鼻，侍应炒咗一阵鸡肉然后盖上，稍微煮多一阵之后我哋就可以开始食喇。鸡煲嘅辣度啱啱好，啲唔食得辣嘅朋友都食得，火焰烹调过后更加突显咗成个鸡煲嘅香辣味，鸡肉又好鲜嫩，真系食完仲想再食，完全停唔到口。食完鸡煲之后再配合火锅汤底，我哋就可以打边炉喇。-西班牙黑豚肉-油花分布均匀，味道好鲜美，肉质好嫩而且好有咬口，食落唔会觉得油腻反而特别香。-杂菇拼盘-有金菇、冬菇等，乜嘢菇都有，个个都非常新鲜，渌完之后，口感软嫩，味道爽甜，好食。-牛柏叶-有啲清香味同微苦嘅味道，好有独特嘅风味，渌咗几分钟后，口感变得爽脆可口，味道一流。