手拉麵小廚

营业中

休息中

新蒲岗街坊唔会唔知呢间餐厅，平时成日都要排队等位，难得今次唔驶等又食下先。铺头唔大，坐位有限，而家限二人一枱反而冇咁迫，以前自己去食都要搭枱，坐到满满到是人。今次食左猪扒担担面同小笼包，朋友分别叫左回锅肉炒拉面同羊肉炒拉面。炒拉面有镬气，肉量亦唔廿算少。猪扒非常大块，香口够味，即使冇分碟上都唔会话比汤浸淋晒好难食，当然分碟上猪扒既酥脆口感会保持得更好。担担面汤头尚算浓郁，有少少花椒麻酱香，因为全部野都可以系浓味所以食完会有少少腻，而拉面咬感很好，份量充足，饱足感满满。小笼包汤汁饱满，皮薄唔易穿，馅料量适中，热辣辣上枱稍等一等先食会更易夹起，烟韧度又会更好，可惜冇附上姜丝。