好德來小籠包店 (已結業)

最近发现好难可以揾到好食上海菜，早排系ig见到呢间上海小菜馆就即管试下。一入到去就有一种旧式上海菜馆既感觉，菜单都好多好耐冇食既上海小菜。2个人叫左薰鱼、狮子头、萝卜丝饼，咁当然唔少得既就系蟹粉小笼包同招牌小笼包啦。不过真系得小笼包好食，蟹粉小笼包系香港黎讲我会俾7/10分，蟹粉都叫几浓郁，肉都几鲜味，而小笼包都算唔错，皮唔可以话最薄但都算系唔错，馅料味道都叫做几好。只不过其他小菜真系唔掂，首先个薰鱼太干，个味好奇怪，亦冇鱼味。而狮子头个肉好’梅’、超淋，好重姜味，但冇乜肉鲜味，而且个汁都好怪，可以话只系一个啡色嘅汁，冇乜味道。最后个萝卜丝饼算系好少少，馅料味道唔错，不过个外皮就厚咗啲，有少少浪费左个馅。如果要试既话可以试个小笼包，但系其他就不了。