湘湘娘娘 (已結業)

今日同朋友去咗尖沙咀，食咗一间好好食嘅川菜°湘湘娘娘 ，餐厅主打广东，四川，上海，湖南菜。地址系尖沙咀北京到12号A太子集团中心8楼。餐厅嘅装修好有格调，旁边有一大片落地玻璃可以望到维港景色。小食 20元，香口酥脆食落去脆卜卜，有少少咸香，食完特别开胃。干烧大虾 188元，虾嘅size好大只仲要烧到啱啱好，入边嘅虾肉仲系好嫩滑，好Juice食落去爽口弹牙，味道鲜甜。加上秘制嘅酱汁酸酸辣辣令到虾嘅鲜味更加突出。瑶柱蛋白炒饭 138元，炒饭份量好多炒到好干身，每粒饭都粒粒分明，加上瑶柱蛋白葱花增添个口感同味道，入口饭香同时食到蛋白香味。花雕醉鸡，真系好入味，有花雕酒同杞子嘅香味融入咗啲鸡肉入边，鸡皮香脆爽滑，食落去唔会好油腻，鸡肉嫩滑香甜，鲜味可口。砂锅腌笃鲜 188元，味道鲜甜食到有金华火腿嘅香味，有咸肉同鲜肉，肉质酥肥，咸鲜味十足。汤汁香浓一啲都唔会油腻，整个汤底都吸收咗肉嘅精华，越饮越好味。酸辣土豆丝 68元，土豆丝口感爽脆，土豆丝口感爽酸酸辣辣开胃醒神。