天蓬 (已結業)

提起「天蓬」大家会唔会即刻谂起西游记入边，猪八戒嘅角色「天蓬元帅」呢？位于中环巷仔内嘅「天蓬」，就系一间主打巨型猪扒嘅新食店。天蓬嘅招牌厚切猪扒份量十足，每块都差唔多成有15cm长。猪扒肉质嫩滑，唔会干，加上厨师精心烹调嘅即炒豉油汁，闻落香喷喷，食落滋味无穷。另外佢哋嘅瑞士汁鸡翼亦都十分受欢迎。鸡翼肉质软腍，冇雪藏味，瑞士汁咸甜适中，唔会太甜。无论配白饭、公仔面，或者就咁空口食都一样咁好味。虽然食完猪扒同鸡翼已经好饱，但系大家都要留返个胃去试一试佢哋嘅西多士！西多士用上厚切方包，软绵绵、大大粒，炸到金黄色，卖相吸引。每件西多士入边都有花生馅料，配上鲜牛油同炼奶，口感丰富。天蓬装修明亮简洁。青苹果绿色嘅座椅，白色墙身，能为客人制造一个愉快嘅用餐环境。餐厅亦都好贴心，知道中环返工嘅上班一族争分夺秒，时间紧迫，所以无论外卖或者堂食都可以扫描二维码点餐。外卖更加可以网上点餐之结帐，喺指定时间取餐，减少等候外卖嘅时间。