Pudding (已結業)

去大坑食饭，行过见到Pudding望入去时见到好有cafe feel， open kitchen制作好吸引，决定转头食完晚饭去食甜品。 点知唔够一小时后再去Pudding， 外面已经排长龙, 去排队嘅人仲越来越多。 大概廿分钟左右终于有位喇， 被安排坐高枱前面玻璃面向街外。 两个人要咗一杯巴菲同一个朱古力慕思， 两位㕑师忙到无停手，一时制巴菲一时揸火鎗做甜品， 坐喺度睇好似睇紧烹任节目咁。 经五、六分钟，即送上我嘅order， 都算快。朱古力慕思-呈浅啡色食落几重牛奶味，可能刚从雪柜攞出有D实净， 㗳落都几滑。栗子巴菲-造型好精致有我最爱嘅原粒栗子同栗子蓉，有软雪糕又有脆脆， 非常丰富一大杯两个人食最好。由于外面人太多望出去有啲压力，拿拿林食完就走Lu。