良美飯堂

营业中

休息中

呢间餐厅之前见佢排晒长龙，所以就冇谂住等。最近见佢少咗人，所以入去试吓。佢个装修几靓仔，有D画作，睇落又唔似茶记，但系餐牌八九成嘅嘢都系茶记野食。今日唔想食太饱，所以就叫咗个常餐。求其拣咗个唔使加钱嘅配杂菜汤意粉，但加$3可以转奶油猪。我叫左煎蛋肠仔。见到佢可以加钱转菠萝包，不过就卖晒。嘢饮就冻柠茶，竟然唔需要加钱？！少有。杂菜汤喺成份餐最有惊喜嘅，好多菜，蕃茄味浓，但系食完冇口渴，应该都冇乜味精挂。意粉冇淋pat pat。个奶油猪有烘过出嚟，脆口，奶油重手，要加$3都算有诚意。煎蛋同肠仔就一般。佢个常餐都比正常既正常，都有啲信心再试吓其他嘢。