影片
更多
2010-07-02
10 浏览
睇見此店第一篇食評既出現，見到個鵝肝蛋撈飯，就已經好想試下，今個星期飯局就訂枱黎呢到試下。不多講，餐牌有冷小碟、熱小碟、澱粉質同埋甜品，款式選擇不多的餐牌，要了好幾款試下。話梅涼瓜，簡單清新，一小碟既涼瓜都帶有好香既話梅味，好味。溏芯蛋，溏芯蛋帶有少少酒香，蛋黃也香，是必食的一款。泡菜白肉，開頭以為白肉會撈埋泡菜，原來係分開的，泡菜味道不錯的，白肉係配乳豬醬食，唔點乳豬醬食都好味，白肉切得較為厚身，切薄一點會更好。 柚子番茄，這個要多謝店家啦，凍既番茄配上柚子汁，簡單又好味。梅子雞翼，外脆，食落帶有濃濃既梅味，有驚喜的一款。陳皮香酥骨，上枱已經聞到好香既陳皮味，熱辣辣，肉夠嫩滑，很不錯的。椒鹽鴨舌，鴨舌夠香口，送酒佳品。另外兩款熱選係柚子花甲同埋清湯腩，柚子花甲，花甲鮮嫩爽甜，夠大隻，帶有柚子汁一齊食，味道更佳。清湯腩夠腍，夠鬆化，好味道，係好有水準既清湯腩，想不到係清湯腩店以外食到咁水準既清湯腩，蘿白算得上入味，不過可以更好的，黎呢到，呢兩款都值得一試。澱粉質有三款，一於三款都試哂。鵝肝蛋撈飯，鵝肝、蛋跟飯撈埋一齊，唔洗多講，真的好味到不得了。麻辣一丁，很四川風味的一款，配上出前一丁
睇見此店第一篇食評既出現，見到個鵝肝蛋撈飯，就已經好想試下，今個星期飯局就訂枱黎呢到試下。不多講，餐牌有冷小碟、熱小碟、澱粉質同埋甜品，款式選擇不多的餐牌，要了好幾款試下。
話梅涼瓜，簡單清新，一小碟既涼瓜都帶有好香既話梅味，好味。溏芯蛋，溏芯蛋帶有少少酒香，蛋黃也香，是必食的一款。
泡菜白肉，開頭以為白肉會撈埋泡菜，原來係分開的，泡菜味道不錯的，白肉係配乳豬醬食，唔點乳豬醬食都好味，白肉切得較為厚身，切薄一點會更好。 柚子番茄，這個要多謝店家啦，凍既番茄配上柚子汁，簡單又好味。
梅子雞翼，外脆，食落帶有濃濃既梅味，有驚喜的一款。陳皮香酥骨，上枱已經聞到好香既陳皮味，熱辣辣，肉夠嫩滑，很不錯的。椒鹽鴨舌，鴨舌夠香口，送酒佳品。
另外兩款熱選係柚子花甲同埋清湯腩，柚子花甲，花甲鮮嫩爽甜，夠大隻，帶有柚子汁一齊食，味道更佳。清湯腩夠腍，夠鬆化，好味道，係好有水準既清湯腩，想不到係清湯腩店以外食到咁水準既清湯腩，蘿白算得上入味，不過可以更好的，黎呢到，呢兩款都值得一試。
澱粉質有三款，一於三款都試哂。鵝肝蛋撈飯，鵝肝、蛋跟飯撈埋一齊，唔洗多講，真的好味到不得了。麻辣一丁，很四川風味的一款，配上出前一丁，夠麻的。最後一款係牛仔肉蛋飯，牛仔肉夠腍身，也是不錯的。不過真的給鵝肝蛋撈飯比下去了，是較為大路的一款。
是夜甜品有兩款，藍梅布丁夠硬身同埋濃郁既藍梅味。紅豆綠豆卷，外面d糯米夠軟身，紅豆多了點，蓋過綠豆味，平均一點會更好。
話哂都係居酒屋，店有唔少清酒款式，試左兩款，一款較甜，另一款較清香。配上以上各款冷熱小碟，夠高興。
食物水準真的不錯，貴精不貴多，加上呢餐友人付鈔，YEAH!!!
张贴
