新金堡餐廳

营业中

休息中

在热闹的太源街，转入隐秘的小巷，才会发现这间小店。点咗主菜会奉送餐汤，我通常拣红汤-罗宋汤，足料又浓郁，仲有即刻焗热嘅蒜蓉包，好香脆。😍已经食过好多次，每次质素都好高，无试过失望。今晚点了龙脷鱼柳配意粉，要求少意粉多菜，老板娘都冇托手踭。😝龙脷柳煎得外脆内软，配杏仁牛油汁唔会好腬。😋之前都系食佢个牛柳多，今次另一半叫咗香煎鸡扒，一睇卖相就知个皮劲脆，简直好似生炸咁正！块皮脆卜卜，但系鸡扒仍然保留到Juicy，亦完全冇油腻嘅感觉🤩。 （本身影咗相可惜松郁蒙，所以冇得post俾大家睇）😅唯一比较弱嘅系带子，因为系急冻冇咩鲜味，但系都唔会腥同几大粒。而餐饮会最钟意点老板特制嘅热柠蜜，老板一定系用靓柠檬，因为放耐咗杯柠蜜，都唔会变苦同涩，每个细节都感受到老板嘅用心。💖佢地下冇乜位，通常系上阁楼坐，因为楼底矮，如果多人可能倾偈会有啲嘈，但我一般放工后才去晚餐，每次都差不多包场，所以好宁静，坐耐啲倾偈都好舒服。但系夜晚咁少人，有啲担心会否做唔住，所以都写返个食评等大家知道佢嘅存在，最主要系担心，呢个咁好食嘅饭堂会消失咗😝 不过相信佢系做外卖同埋午市较多。临近圣诞，见佢摆咗好多好靓嘅装饰，有心思又有