孖啡 (已結業)

喺油麻地行街行到攰攰哋，上网见到呢间Cafe，二话不说就上咗去食个dinner。餐厅环境原来都几阔落，好适合三五知己，或者一大班朋友聚餐。餐厅门口仲有啲board game可以拣吓一齐玩。佢个Menu就冇咩特别，但系佢个drink menu 就好特别啦！佢哋以塔罗牌嚟命名啲饮品。我睇咗一阵，但系最终都系拣咗我最钟意嘅士多啤梨乳酪。士多啤梨乳酪话明Cafe，饮品梗系都ok 啦！士多啤梨乳酪几好味，系我钟意嘅味道。榛子朱古力呢一个就系我朋友点嘅， cream几香奶味，最紧要靓仔呀嘛！ 牛肝菌帆立贝野菌意大利饭佢哋嘅饭唔会好硬，系我同朋友都钟意嘅软度，佢哋啲野菌一啲都唔手软㗎，好多菇钟意菇菇菇🍄嘅朋友就一定要拣呢碟意大利饭。啲饭仲吸收咗好多野菌嘅香气添！软壳蟹黑松露意大利粉呢一碟我就觉得几有惊喜，一上碟就闻到黑松露嘅香气。佢嘅意粉好挂黑松露忌廉汁，而且仲好入味。软壳蟹都炸得好酥脆。牛角窝夫伴雪糕热嘅牛角窝夫配冻冰冰嘅云呢拿雪糕，冻同热嘅感觉一齐好鬼正。