影片
更多
2014-09-30
4018 浏览
因为今个月系我生日，一班朋友帮我庆生，问我去边度食，上黎open rice八一八后就决定试下呢间！餐厅位置于天后边，但如坐地铁去，就砲台山落车行去会近D同舒服D。餐厅比较细，大概只有十张台，我地早左去，佢地都比我地入去坐住等其他朋友。同埋一定要订位先好去，因为目睹有客无订位想食，就算眼见好似有吉枱，餐厅都只系话成晚full左，所以一定要订位！朋友怕烧鹅卖哂，所以亦一早订了一只。另外，钟意饮2杯嘅朋友注意，因为无酒牌，所以无得卖，但餐厅好好，你可带酒去又不收什么开瓶费。我地点左好几个菜，上菜超快，15分钟内几乎所以菜都上哂，一枱满满的，系个饭慢左少少。另外，因为有一朋友不能食虾，所以个虾多士就要少一件，点知个侍应姊姊误会左，其他所有以件数计的都少了一件⋯咁唯有食少件啦。去过镛记嘅都知前菜皮蛋绝对系名物，咁呢度都一样有。一如镛记一样，每人半只，中间流心的，味道又唔乸，绝对系好食！第一样梗系主角烧鹅，佢其实同镛记味道同卖相都相当不同，呢度比较多汁淋上去，所以皮没镛记脆。老老实实，去过几次镛记食烧鹅，唔知系唔系唔啱时候定我唔好彩，完全非常一般，完全唔想encore。但系个人嘅话，喜欢呢度多D，
餐厅位置于天后边，但如坐地铁去，就砲台山落车行去会近D同舒服D。餐厅比较细，大概只有十张台，我地早左去，佢地都比我地入去坐住等其他朋友。同埋一定要订位先好去，因为目睹有客无订位想食，就算眼见好似有吉枱，餐厅都只系话成晚full左，所以一定要订位！朋友怕烧鹅卖哂，所以亦一早订了一只。另外，钟意饮2杯嘅朋友注意，因为无酒牌，所以无得卖，但餐厅好好，你可带酒去又不收什么开瓶费。
我地点左好几个菜，上菜超快，15分钟内几乎所以菜都上哂，一枱满满的，系个饭慢左少少。另外，因为有一朋友不能食虾，所以个虾多士就要少一件，点知个侍应姊姊误会左，其他所有以件数计的都少了一件⋯咁唯有食少件啦。去过镛记嘅都知前菜皮蛋绝对系名物，咁呢度都一样有。一如镛记一样，每人半只，中间流心的，味道又唔乸，绝对系好食！
第一样梗系主角烧鹅，佢其实同镛记味道同卖相都相当不同，呢度比较多汁淋上去，所以皮没镛记脆。老老实实，去过几次镛记食烧鹅，唔知系唔系唔啱时候定我唔好彩，完全非常一般，完全唔想encore。但系个人嘅话，喜欢呢度多D，只鹅肥瘦适中，绝对无大大旧白色脂肪。佢个切法亦相当特别，个胸肉系起哂骨，但又唔系潮州鹅片咁薄，size 刚刚好，啖啖肉非常之正，肉味浓又唔un,个汁望落好咸，实则系味道啱啱好，而且只鹅都相当大只，我地一行七人已经劲食都食唔哂，仲食剩小半只要打包添，咁400几蚊只真系超抵食，绝对会想encore！
呢个虾多士亦非常不得之了，望落个样普普通通，点知一咬，正到讲唔到野，只虾一定系新鲜货，超级爽口又有虾味，调味亦好，味道不浓及完全食得出鲜味。个厨师火路控制亦非常好，个多士又香又脆，但又唔油，完全唔会一口油。
去过镛记饮茶都知，鹅膶肠包亦系另一名物。呢度都有，但系系mini version。佢将一块好细嘅肠放左一片好细嘅方包上。条肠同镛记一样好味，但份量太少，一碟6件应该用唔到一条正常size嘅膶肠，而且同方包又唔多夹，好食系好食，但唔抵啰！
呢个咕噜肉亦非常不错，完胜镛记。呢度应该系用山渣调味，碟中唔见菠萝洋葱咁，但个酸甜度调教适中，肉系切成厚肉片，细细块咁，炸得外脆内软，汁系挂在肉上，又唔太多汁，稀杰刚刚好，又够获气，one of the best in town! 只可惜又系太细碟，一上枱，朋友已经讲，哗乜咁细碟，似2-3人份量㖞！
跟住就系我想食嘅鬼马牛肉。呢个老菜，同枱有D年青友人都未食过。其实即油炸鬼炒牛肉，我小时候同屋企人去亲地茂馆食饭一定会叫呢样，记忆中系超好食，牛肉有䓤香，油炸鬼吸左汁但又会脆卜卜，谂起都好味。而家好少地方有得叫呢个𩠌，就算有都唔好食，见呢度有咁就叫下，希望可以食到童年味道。可惜呢度同坊间一样系唔多好食，亦系全晚最差的一样。个油炸鬼切得太厚，又炸得唔够脆，只得个硬字，其实应该系切薄片的，汁就更加唔好讲。牛肉就系普普通通通，乸过梳打粉的牛肉，一般酒楼货色，一D䓤香都无，成个芡又太杰，有D桨胡feel, 味道又咸左D，欠望，我估我可能永远食唔到儿时味道。
呢个系加大啫啫生菜煲，点解我特意咁讲，因为我唔觉佢似，我地每人夹左一次，成煲就清左⋯至于味道方面就一般啦, 不过获气系够的，我就觉得新斗记比呢度好食得多，呢度不过不失啦。
朋友想食豆腐，于是点左上汤生煎豆腐，我无食到，朋友话味道不错，外脆内嫩！
呢个鹅汁饭就一定要叫嘞！超级好味！饭有米香，软硬适中，鹅汁令个饭好香。饭𥚃有冬菇，肉粒，葱等，非常有获气，不能形容的美味！呢个份量又系大件夹抵食，每人起码有一碗多DD。
虽然友人有买了蛋糕，但大家都想试下呢度个红豆沙。唔知系唔系因为时间已经接近收舖，个红豆沙非常杰, 如红豆桨，个陈皮味又太浓，令到有D涩味，上环娥姐嘅好味几倍，早知唔叫。提提大家，系要比$50切饼费嘅。
总括来说，呢间D野普遍都几好食，特别系烧鹅同个鹅汁饭,绝对会令我返转头帮衬，其他小菜就size略细，service亦ok, 咁overall 我会prefer呢间多过镛记，只鹅已经完胜左。
张贴
