影片
更多
2022-01-28
63 浏览
香港近年出现了不少手工饺子店，当中有很多都标榜新鲜即制，不含味精及防腐剂，令人食得放心又安心。最近就同屋企人帮衬咗观塘呢间新开嘅「滚饺」。餐厅地方不大，一眼睇晒，水泥墙身配以室内嘅霓虹灯装饰，设计简约又充满质感。先睇下餐牌，饺子嘅款式唔算多，只有 7 款，另外亦有 5 款冷盘小食同饮品等供应，拣咗汤饺同煎饺各一，另加小食同饮品。蒜芯鲜虾猪肉汤饺 ($58/10只) 率先送上，汤底以猪骨熬制而成，尝一口，啖啖猪骨精华，浓而不腻，而且饮得出无落味精，就算成碗饮晒都无问题！饺子新鲜即制，大大只，好足料，外皮烟韧滑溜。蒜芯很爽口、味甜鲜嫩；鲜虾成只手指咁长，真系抵食到爆；猪肉甘香肥美、幼嫩得嚟又有肉汁。加咗 $12 配乌冬，面质好爽滑，软嫩中略带一丝弹牙，夹埋饱满嘅饺子同辛口爽脆嘅菜脯一齐食，真系令人回味无穷。至于煎饺就点咗黑松露芝士猪肉饺 ($60/10只)，饺子煎得十分香脆，外形胀卜卜，入面嘅肉馅松软又多汁，咬下啖啖都系松露同芝士嘅香气，口感甚佳。小食拣咗凉拌肉松皮蛋豆腐 ($36)，豆腐清凉嫩滑，面头嘅肉松够晒澎湃，而且食落颇有咬口，皮蛋甘香软绵，加上淋满了自家制嘅酱汁，味道酸酸咸咸
最近就同屋企人帮衬咗观塘呢间新开嘅「滚饺」。餐厅地方不大，一眼睇晒，水泥墙身配以室内嘅霓虹灯装饰，设计简约又充满质感。
先睇下餐牌，饺子嘅款式唔算多，只有 7 款，另外亦有 5 款冷盘小食同饮品等供应，拣咗汤饺同煎饺各一，另加小食同饮品。
蒜芯鲜虾猪肉汤饺 ($58/10只) 率先送上，汤底以猪骨熬制而成，尝一口，啖啖猪骨精华，浓而不腻，而且饮得出无落味精，就算成碗饮晒都无问题！
饺子新鲜即制，大大只，好足料，外皮烟韧滑溜。蒜芯很爽口、味甜鲜嫩；鲜虾成只手指咁长，真系抵食到爆；猪肉甘香肥美、幼嫩得嚟又有肉汁。
加咗 $12 配乌冬，面质好爽滑，软嫩中略带一丝弹牙，夹埋饱满嘅饺子同辛口爽脆嘅菜脯一齐食，真系令人回味无穷。
至于煎饺就点咗黑松露芝士猪肉饺 ($60/10只)，饺子煎得十分香脆，外形胀卜卜，入面嘅肉馅松软又多汁，咬下啖啖都系松露同芝士嘅香气，口感甚佳。
小食拣咗凉拌肉松皮蛋豆腐 ($36)，豆腐清凉嫩滑，面头嘅肉松够晒澎湃，而且食落颇有咬口，皮蛋甘香软绵，加上淋满了自家制嘅酱汁，味道酸酸咸咸，好惹味。
饮品本来想点餐厅自家制嘅支装奶茶，可惜太受欢迎，一早售罄，幸好支豆浆 ($10@) 嘅味道亦唔错，豆香浓郁，入口顺喉。
临走时见到店舖已全场满座，睇嚟餐厅真系几高人气。
张贴
