Babacio Cucina (已結業)

端午节来个港岛美食之旅第一站去咗中环食手工pizza 约咗成个月 终于都嚟了急不及待叫咗沙律、意粉、pizza开放式大门可以望住雨景 好写意地叹吓会觉得雨天都是可爱的😊🔸Mare E Monti ($108)有烟三文鱼、牛油果🥑嘅沙律，用料够新鲜，醋汁酸酸甜甜，好香！整体感觉好fresh，哩个好食！🔸Pomarola ($108)好钟意个汁，食得出用咗新鲜番茄去煮酱，有清新嘅番茄香，酸中带有洋葱嘅甜，好开胃。长通粉软硬适中，几弹牙，唔错。🔸Margherita ($108)我最钟意食Margherita，而且哩度嘅pizza系人手即制，薄身脆口又烟韧，好感好好！用新鲜蕃茄酱同大量芝士，邪恶得嚟又唔会太腻，但我个人喜好会钟意再多啲茄酱，会更好味。