Orange Elephant Thai Restaurant (利奧坊) (已結業)

橙象星期五晚上爆哂棚，有啲枱仲做到两转，劲呀。伙计大部份系泰国人黎，凭当月午市消费单，即享有星期一至五晚市堂食八折优惠，正宗又抵食。泰式明炉乌头鱼条乌头鱼好大，好多鱼肉，肉质结实唔松散，但唔嚡唔韧，仲好嫩滑。本身个汤汁都有鱼味，仲有一碟泰式酸辣酱汁，蘸黎食就更惹味。（条鱼仲有秀珍菇同椰菜）椰青焗海鲜饭原个椰青上，饭飘溢著椰汁香气，啲椰汁多到流出黎， 每一啖饭都充满著香浓清甜嘅椰汁味。简直不得了，一食就食到唔停口，𩠌料有海鲜大虾、鱿鱼、椰肉、腰果；啖啖真材实料。爆炸大虾一共四件即两只，炸到全只金黄脆卜卜，大虾虾肉结实弹牙，伴碟有好多炸左既香料，够气势。西米糕（四件）甜甜既椰汁层呀有好多西米，西米既比例比出面既多。搬左黎利奥坊，新净企理，去商场洗手间方便。