影片
更多
2018-04-05
1715 浏览
几年之后，重临旧地，共餐对象都系细妹，同样系往大鹏湾拜完外公、外婆、同肥猫宝宝后，今日系2018年4月5日(四)清明节公众假期。我同细妹讲：「𠮶度地方好细，位置唔多，如果冇位(我绝对唔想坐出面)，就唯有去第二间吧！」细妹同意，我哋于是碰碰运气！下午3：45嚟到，咁啱遇上走鬼，门口张折枱即时要收，我望入店内，见差唔多全店满座，店主伯伯问我系咪一个？我话两个！咦，咁啱有张枱可搭，两个位！我同细妹讲句「唔该」，即刻坐低。坦白讲，论环境，呢度绝对狭窄同挤逼，我哋坐低咗都唔敢大郁，但呢间家庭式经营小店，我绝对希望带细妹嚟食多次，因为我睇咗Openrice食评好耐，我想试𠮶个五𩠌套餐，尤其我好钟意食炒蛋同好想试𠮶块素肉扒！我推荐细妹食呢个套餐，$38五个𩠌，饭同粥二拣一，我哋两个都要哂粥，但细妹唔食俾埋我！本来我谂住食唔哂加一蚊攞个兜带走，点知煮𩠌𠮶女仔(店主伯伯个女)话：「妳睇吓食唔食得哂先？」而结果，我竟然真系食得哂！冇错！系两碗粥！原来啲粥唔系淡茂茂，系有咸味嘅！煲得好绵！好好味！唯一不足之处唔系即时煮滚俾你，感觉唔太热！讲吓五款𩠌，唔系想hard sell, 但真系五款都好味！！1)炒菜心
我同细妹讲：「𠮶度地方好细，位置唔多，如果冇位(我绝对唔想坐出面)，就唯有去第二间吧！」细妹同意，我哋于是碰碰运气！
下午3：45嚟到，咁啱遇上走鬼，门口张折枱即时要收，我望入店内，见差唔多全店满座，店主伯伯问我系咪一个？我话两个！咦，咁啱有张枱可搭，两个位！我同细妹讲句「唔该」，即刻坐低。
坦白讲，论环境，呢度绝对狭窄同挤逼，我哋坐低咗都唔敢大郁，但呢间家庭式经营小店，我绝对希望带细妹嚟食多次，因为我睇咗Openrice食评好耐，我想试𠮶个五𩠌套餐，尤其我好钟意食炒蛋同好想试𠮶块素肉扒！
我推荐细妹食呢个套餐，$38五个𩠌，饭同粥二拣一，我哋两个都要哂粥，但细妹唔食俾埋我！本来我谂住食唔哂加一蚊攞个兜带走，点知煮𩠌𠮶女仔(店主伯伯个女)话：「妳睇吓食唔食得哂先？」而结果，我竟然真系食得哂！冇错！系两碗粥！原来啲粥唔系淡茂茂，系有咸味嘅！煲得好绵！好好味！唯一不足之处唔系即时煮滚俾你，感觉唔太热！
讲吓五款𩠌，唔系想hard sell, 但真系五款都好味！！
1)炒菜心：新鲜翠绿，爽脆入味，一啲渣都冇！
2)葡汁薯仔椰菜花：薯仔好腍又入味，椰菜菜软硬度适中！
3)炒蛋：属全熟款，冇乜蛋汁，虽然本身我钟意冇咁熟，有少少蛋汁最好，但感觉都好味，唔会过老！
4)素鸡：即系腐竹皮，厚度适中，绊汁一齐食，唔硬亦唔腻，好味！
5)素扒：味道鲜，有咬感，好似我平时食啲素肉干嘅味，但冇咁干咁硬，我好钟意！
南瓜汤同豆浆二拣一，细妹要南瓜汤(我试咗一啖，有南瓜茸，充满南瓜嘅甜味！)，我要冻豆浆(甜味亦够，不过如果大杯啲则更好！)，我哋各适其式，但同样感满意！
比我哋早到、坐喺我哋对面𠮶对年老夫妇，丈夫食套餐，太太点炒饭，丈夫食得好滋味，太太𠮶炒饭就要等，送嚟时，大碟到我都吓亲，至少有三大碗饭嘅份量！！！
呢度好多都系熟客，大家都应该俾佢哋嘅家庭式人情味同家常菜味道吸引！唯一美中不足除地方太细外，系佢哋太多客人太过忙，有时豆浆等order要order两次提一提佢先记得俾！囡囡企喺楼面柜台整套餐、爸爸招呼客人倒豆浆，另有一个好似叫成哥嘅系厨房入面炒饭，兼有一位婶婶喺后巷洗碗，一家人团结一致，忙得嚟好开心！
埋单时，囡囡同我讲：「咪食得哂～」我笑住回应：「系呀！竟然食得哂！但应该饱到今晚！真系好耐冇食过咁多嘢！」
我赞佢哋啲𩠌好食，同囡囡讲，我会再喺Openrice写食评，囡囡讲多谢，希望佢哋睇得到！
后记：店主伯伯始终年纪大，有时囡囡要提醒佢，不停叫「老豆呀老豆～」对于有等于冇老豆嘅我嚟讲，觉得佢哋嘅对话好温馨！好温暖！
「素食新一代」～ 假如大家唔介意坐得逼，我阿肥诚意推荐！
张贴
