豚王 (V Point) (已結業)

平时同朋友最钟意周围揾好嘢食,今日落咗铜锣湾行街无意中入咗一间日式拉面舖头,食物质素好好。豚王 ,地址喺铜锣湾登龙街18号v point地下4号舖,餐厅环境阔落,整洁,好有日式嘅风情,喺度食嘢感觉都几舒适。幸海老王 拉面卖相劲吸引豚骨汤底味道浓郁,加上辛海老多一阵辣味,味道好有层次,食落去又唔会太辣对我嚟讲啱啱好,拉面我比较钟意食偏硬,食落去有咬口拉面又弹牙。叉烧腩肉肥瘦均匀食落去爽口嫩滑,好耐都未食过咁好味嘅拉面。豚王拉面豚王拉面汤底就真系最重要,汤底味道清甜猪骨味浓郁,每一条面都挂上汤汁,加上葱,豚肉口感味道都好丰富,真系好味到忍唔住成碗汤饮晒。日式煎饺子饺子煎到外面金黄色,食落去入面仲好juicy好多肉汁,食到好香嘅猪肉味，仲要热辣辣，食到停唔到口