霸嗎拉麵 (屯門市廣場1期)

营业中

休息中

屯门霸吗拉面🍜开咗都一段时间，我老公好钟意食拉面，成日经过都话要试。好，就今晚试啦！今日盂兰节，喺屋企附近快啲食完，早啲返屋企都好。身为一个蟹粉🦀，当然要试吓佢哋嘅期间限定—松叶蟹肉蟹膏软壳蟹拉面啦，而我老公就拣咗辛辣炙烧豚肉拉面。我哋另加$12要多三大块紫菜同$20粒粒橙汁。1️⃣ 松叶蟹肉蟹膏软壳蟹拉面 $128蟹粉一定要试！汤底蟹味超浓郁，最初都有啲担心同拉面唔夹，点知出到嚟嘅效果唔错，味道好好。拉面软硬适中，偏幼身，系我钟意嘅口感同质感。蟹肉同蟹膏都好新鲜香甜，软壳蟹炸得酥脆可口，正🤩！2️⃣ 辛辣炙烧豚肉拉面 $93我哋叫咗小辣少油，我哋都好钟意个汤底，味道十分香浓开胃，淡淡嘅香辣提升咗成个味道，隔离枱仲将成碗汤入晒，真夸张🤤。豚肉厚身，肥美香口，肉质鲜嫩，好食😋！杯橙汁就颓咗少少，用咗美x达，细细杯但要$20，大杯少少会好啲，唔够喉。