三點三冰室

营业中

休息中

同朋友去启德新开新式装修舒适三点三冰室用餐！真系好有感觉！餐厅装修得好新颖，好有现代感，令我地觉得心情放松，餐厅内有好多卡位，坐得好舒服，唔会挤迫，可以好好倾计。我食左啲餐厅嘅招牌菜同饮品，真系好正呀！首先，香烧羊架餐配蒜蓉汁，羊架烧得好香，肉质鲜嫩多汁，加上蒜蓉汁，味道更加丰富，真系美味到爆！另外，套餐配埋既日式粟米汤都好好味，汤底鲜甜！饮品方面，我地饮咗狂牛同红豆杏箱。狂牛系一个混合咗杂果、七喜、利宾纳同士多啤梨雪糕嘅甜品，非常特别！味道酸甜可口，而且份量十足，真系好满足。芝心虾多士都好出色，多士煎得香脆，里面有鲜虾同芝士，一口咬落去，口感好丰富。如果你钟意焗饭焗意粉，推荐焗牛舌芝士意粉！牛舌煮得软嫩，配上浓郁嘅芝士酱，味道非常浓郁香浓，意粉煮得刚刚好！最后，红豆杏霜系一个经典嘅饮品。红豆味道浓郁，配上软滑嘅杏仁霜，非常之match，系一个完美组合！