Triple O's by White Spot (已結業)

放左工落到沙田新城市,行到攰攰地又肚饿,睇下今晚有咩好食先...一落扶手电梯去左阵就见到有间 Triple O's 既汉堡包专门店，好啦今晚就试下 E 间汉堡包先反正 E 间未试过，一行入去店员已经好有礼貌甘俾餐牌我睇,仲好好笑容甘向我介绍餐牌既食品，我望住个餐牌都比个店员介绍到流晒口水想试一试系咪真系甘好味先，太多款式我都想试拣左一阵，最后我拣左 7 号套餐「鱼堡、薯条同蓝莓奶昔」，比完钱等左一阵就有店员攞个餐过黎，估唔到汉堡包店既服务又几好㖞，送黎个餐既鱼堡、薯条都好有份量㖞而且仲系热辣辣既添，试第一口鱼堡 ok 㖞鱼柳又够厚又鲜味唔似雪藏即食炸鱼味㖞，最重要系唔油果下好，鱼堡里面仲有生菜片同一Ｄ好似沙律酱既汁夹埋口感好配合，薯条好粗又香脆都系果句唔太油，至于蓝莓奶昔我觉得都几香滑，蓝苺味又浓饮左两啖发现原来奶昔里面仲有粒粒蓝苺粒潻，其实初头我等餐时都八卦望下佢点整杯奶昔， Triple O's 都算有诚意了杯奶昔是即场用机打的，唔似其他果Ｄ甘揾机教好晒，感觉卫生Ｄ冇甘易有病菌资生，总括黎讲 E 餐 $93 蚊都总算物有所值，值得推介一试。