hōmu by favilla (已結業)

午餐时间经常见到愉景新城入边呢间日式西餐厅满座，今次决定同同事一齐嚟试吓！等咗5分钟左右就入得，都唔算耐。餐厅座位设计都几开阳，感觉都算舒服，方便同人一齐食嘢倾偈。今次叫咗个日式芝士汉堡配蛋饭套餐，芝士汉堡入边有浓浓嘅芝士，再配有甜味嘅日式咖喱，整体几好食！而饭上面嘅炒蛋吵到好软滑，配埋汉堡咖喱一齐食，质素不错。而套餐也配有紫薯蓉作为甜品同粟米餐汤。紫薯甜品几精致，每一啖都有紫薯嘅香味。而粟米餐汤就都几有温馨日式餐嘅感觉。同时，套餐亦都配埋一杯热嘅日式斋啡，味道唔算苦涩，容易入口，健康好饮。