德美壽司 (新都城中心1期) (已結業)

好耐无食日本嘢，今日同朋友想试下呢间位于地铁附近日本餐厅：德美。 晚饭时段入座，人流未算多而且好快有位。 可以拣坐卡位，座位好宽敞。 另外落单可以用手机点餐，唔使揾侍应帮手。手机点嘢食可以叫定食，各款寿司、鱼生丼同埋仲有日本酒。我叫咗一个吉列虾什锦定食（吉列虾、炸鸡、吉列蚝）、另外仲有配一个肥牛乌冬。 睇图见德美海胆鱼生丼几靓，都叫咗一份黎试下。 吉列虾什锦定食嘅炸虾好大条、炸得又脆十分好味。吉列炸豪都好好味，好大粒豪，而且无多余炸粉。炸鸡面炸得好好味，配埋酱汁食真系好好味，想再叫多几份食呀。鱼生丼最正系三文鱼同埋海胆，感觉好新鲜，好好味道呀真系。除咗食物方面不错之后，服务质素都不错。 店员好有礼貌，上菜速度算快。下次可以再帮衬先得呀我觉得要。