鮨玥 (已結業)

朋友住鲤景湾，今日佢带咗我去楼下食日本菜，坐低唔少得嗌咗两杯生啤，喺日本餐厅饮嘅生啤，总系觉得特别冰冻好味道。叫咗两个前菜，鳕鱼干及炸日本池鱼苗，两样都好香脆送酒，鱼苗细细条，整条入口，仲几有鱼味。池鱼刺身，加酸汁，夏天色特别适合，鱼身爽脆，鱼味鲜甜。薄烧牛舌，口感弹牙，一定要趁热食，放耐咗会有啲烟韧。烧白鳝串，鳝肉冇泥味，外皮烧得非常香脆，肉质细致好味。拖罗寿司盛，一次过食到三种拖罗位置，各有各嘅肥美肉香，入口即溶又冇乜筋。牛油软壳蟹卷，软壳蟹加牛油果沙律酱，味道丰富，鱼籽入口卜卜趣脆，劲有层次！附近好多日本人居住，坐低见到有两台都系日本客人，餐厅食物真的不错！