萬發海鮮菜館

营业中

休息中

一家四口行完黄金又行鸭记都成六点钟,肚仔饿近近地就走去万发食晚饭。行到去见倒厨房D人行行企企,可能仲早所以成个场无客我同老婆都有D唔想入去,但系早几年前都曾经食过所以都系入去坐低左。哗市面D野贵左连D小菜价钱都贵左D。老婆话要食蚝于是就点个姜葱美国桶蚝,亚女话要食牛于是点个密椒牛柳粒,亚仔无主意我就点个酥炸小塘菜同腊味糯米饭。哗刚刚点完送D客开始一个个走入黎,坐下坐下又一台。先上台系姜葱美国桶蚝,哗真系美国桶蚝黎好香姜葱味,煲仔上热辣辣好好味D姜走过油又唔辣连我平时唔食姜呢次都食。再黎密椒牛柳粒,都几够份量㖞D牛柳粒几够味又唔老仲有西兰花饯底连炒菜都唔驶叫。酥炸小塘菜根住上份量小D但系炸得外脆内软几有口感。最后系成餐饭最失望既腊味糯米饭,D腊味饭虽然够食味但系煮得较软身而无糯米饭味,唔同传统腊味糯米饭,万发D厨师应改善一下呢个糯米饭。