影片
更多
2019-01-21
909 浏览
今晚一家人去完图书馆已经相当肚饿，谂住去试下阿仔成日要求食的金满园，点知企满人等位，阿仔又固执病发作死都唔肯去第二间食，唯有一直等，好彩头先借左两本书比两只小鬼边睇边等！其实呢间金满园我地以前都成日帮衬外卖，但好似从来无堂食！有时返屋企经过都会见佢好似今日咁人山人海，如果我无个固执精系度嘈住哂，其实我唔会企系度等半小时！其他人为咩呢？我们一边等当然一边睇定食咩，一坐低就落单！呢间店系家庭式经营，太子脸上经常挂住亲切的笑容，而且D人话佢好劲，排队唔洗比号码，佢完全记得你系第几个！终于有得坐，坐位逼逼地，系店内近门口位置，但都坐得自在，店内不大，但都有几张大枱，佢仲开到门外都摆枱添！不过你黎得呢度都唔系求环境啦！今次叫左个2人餐($138+17)，唔要汤加$17可以要多个小菜，白饭($7)系另叫的，个饭都大，装到一座山咁！上菜速度都算快了，先黎左个菜心炒肉片，D菜好新鲜不过无切开比较大条，小朋友食就要帮下佢，肉片份量相对少d，够镬气！另外粟米班块多汁，鱼块都炸得好，同样赞！咕噜鸡球味道都好！开胃食饭！唔知系因为太好味定因为太饿，食左3个白饭和3个小菜大家都未饱，于是叫多碟蕃茄牛肉饭。加单都
呢间店系家庭式经营，太子脸上经常挂住亲切的笑容，而且D人话佢好劲，排队唔洗比号码，佢完全记得你系第几个！终于有得坐，坐位逼逼地，系店内近门口位置，但都坐得自在，店内不大，但都有几张大枱，佢仲开到门外都摆枱添！不过你黎得呢度都唔系求环境啦！
今次叫左个2人餐($138+17)，唔要汤加$17可以要多个小菜，白饭($7)系另叫的，个饭都大，装到一座山咁！上菜速度都算快了，先黎左个菜心炒肉片，D菜好新鲜不过无切开比较大条，小朋友食就要帮下佢，肉片份量相对少d，够镬气！
另外粟米班块多汁，鱼块都炸得好，同样赞！咕噜鸡球味道都好！开胃食饭！
唔知系因为太好味定因为太饿，食左3个白饭和3个小菜大家都未饱，于是叫多碟蕃茄牛肉饭。加单都好快上，可能因为食到后尾都已经无咩人，汁非常多，少少酸，牛肉唔un，非常好！而且碟头饭跟送例汤！老火汤！
整体黎讲，我对呢间野都几满意，难怪咁多人等位食佢！我见可以留枱(最低消费$500)，所以如果人多都可以考虑打黎留，唔洗等位！
张贴
