燒魂

营业中

休息中

今日同朋友喺尖沙咀行街，见到广告餐牌有「烧肉任食放题」好丰富，所以就Walk in入去。餐厅可以无限任点任食，座位宽敞而且舒适，可以慢慢倾偈、慢慢食。呢度除咗有一般嘅日式放题嘅菜式之外，仲有烧肉，好特别。首先嚟一份刺身拼盘，可供选择嘅刺身款式十分之多，刺身厚切，非常新鲜，而且份量十足，落单距离上菜时间好短，店员非常快手，服务非常好。烧肉食材方面都有好多选择，其中牛肉薄切，脂肪比例均匀，肉质香滑，无筋，非常优质美味。其次就系猪颈肉，爽口弹牙，非常新鲜。配合酱汁、海盐，自己调味，除个人喜好，弹性好大。除此之外，仲有其他热盘，炸虾天妇罗、炸大肠、炒杂菜、牛油粟米、酒煮蚬肉、蚝仔泡饭，全部即叫即制，新鲜热辣，好好味。饮品提供罐装饮品及纸包饮品可供选择，其中有乌龙茶、柠檬茶等等，食得太饱，可以帮助消滞。