新華苑酒家

营业中

休息中

之前和朋友食过这里的蒸汽火锅，感觉唔错，今日特意黎试试晚饭小菜，睇下系唔系同样ok。晚饭时间高朋满座，非常热闹。姜葱鲍鱼鸡煲煲仔上，热辣辣，鲍鱼切丝，配大量姜葱，鸡片经过爆炒再落煲仔，香口又惹味。云耳胜瓜炒牛肉同干炒牛河一样看似简单，要炒得好好讲师傅功架，云耳同胜瓜能保持食材味道，没有过火，轻轻快炒，牛肉嫩滑而爽口，而且腌得味道香而浓，不错。金蒜北海道元贝元贝只头大，而且新鲜，配上炸蒜同粉丝，蒸的时间刚刚好，无得输。卤水掌翼我觉得成餐饭最好食个卤水掌翼，够淰够入味，卤水咸香味调配得精彩。莲蓉桃包此包不过不失，唔想食饭时咬个包也不失为一个好主意。