Athletic Juice & Espresso Bar (已結業)

天气热辣辣，想消暑又唔想饮汽水呢d 生冷野，最啱就系饮番杯健康果汁。呢度d 果汁配搭都几丰富，另外仲有沙冰，coffee 选择。✨呢三款系最新既主打～～睇落都几吸引。✨虽然铺头细细，但有个角落可以自由斟，呢个detox water饮落有微微既橙同西柚味，感觉几fresh~~~✨叫开野饮仲可以加$18要件cake ,又或者配件曲奇添。✨banana bread(+$18): 咁啱新鲜出炉，所以唔使加热已经暖暖地。 蛋糕几松软同几香🍌蕉味，入边仲有果仁，味道唔会太甜。 面头烘到脆卜卜，都几好食👍🏻叫开野饮一定要整番件✨racquet hitter ($55): 有芒果，菠萝，热情果同埋柠檬， 话可以增强免疫地。质地比较杰身，饮落芒果同热情果味比较重，酸酸地几开胃，我个佬话如果加番d 冰更加正，不过我钟意原汁原味。✨swimmer splash ($55): 抗氧化组合，集齐我最钟意既蓝莓，士多啤梨同苹果，颜色好pink。呢款无咁杰，饮落酸酸甜甜😍好饮啊。