The Americano By Texas Burger (已結業)

今次我系慕名而嚟，专登要食吓风靡美国嘅beyond burger未来汉宝，我个friend 就好想试热熔拉可雷特芝士汉堡，所以今次我哋都系嚟食汉堡饱。间餐厅对面就系D2 Place Two, 我哋行完先过嚟食嘢。见到热熔拉可雷特芝士汉堡嘅单张好夸张，啲芝士好似倒水咁倒落个汉堡饱度。原来一啲都唔夸张，当侍应将汉堡饱放上台后，跟住会拎出已热熔了嘅拉可雷特芝士，用刀将芝士刮出，直接铺在汉堡饱里。汉堡饱本身已有厚厚的牛肉同香肠，配埋呢个热熔芝士，趁热食真系滋味无穷，但因为真系好多芝士，食完会觉得几"漏"。前一排睇电视介绍过Beyond Meat, 已经好想揾机会试下，听讲佢系完全由植物造出嚟嘅素食，无激素无胆固醇，系非常健康嘅食品。呢个未来汉宝睇落跟一般汉堡饱冇乜分别，有蕃茄有菜同埋汉堡扒，好够份量，食一个已经够晒饱。想像唔到呢块未来肉系植物造出嚟嘅，无论系味道定系质感，都好似肉一样，仲好好味添。饮品点咗冻薄荷朱古力同热朱古力，两杯咁普通嘅饮品都整得好靓，啱晒影相。