西樹泡芙 (朗豪坊)

营业中

休息中

西树泡芙分店好多都系好方便嘅地点，最常帮衬嘅就应该系依间，朗豪坊，搭车前后都可以买到✌🏼✌🏼每次经过，都会俾佢嘅雪柜吸引住，整齐嘅泡芙摆晒喺度，好靓好吸引！今次仲有新款㖞！黄金满屋-够晒好意头😊😊黄金满屋-系流心奶黄肉松泡芙咁样嘅配搭，真系超邪恶！铺喺上面嘅肉松，好松化，完全唔影响泡芙本身嘅空气感，咬落去中间满满嘅流心奶黄馅料，咸咸地，又甜甜地，系好有趣嘅泡芙💕💕士多啤梨乳酪对于钟意士多啤梨，又超钟意乳酪嘅我嚟讲，又系难以抗拒嘅一款。起码唔会超级甜，酸酸地，够晒清新😁😁另外买咗榛子Tiramisu味比屋企人，喜欢甜甜食物嘅佢，亦表示非常满意。整个泡芙嘅口感层次非常丰富，而且Tiramisu味道突出，如果唔想下下都系食蛋糕，泡芙都真系几好嘅选择。