新泰東南亞餐廳 (已搬遷) 新店位置

我同同事都系好喜欢食泰国菜嘅，呢一日午餐就来到新泰！以前食过都觉得味道唔错，所以就带同事来试多一次！呢度有几个套餐选择都唔少，每日唔同。想食得丰富啲仲可以叫四人餐。我哋大家都好喜欢食生虾，就叫左一份做头盘。呢度嘅生虾好肥大肉口！好鲜甜！酱汁亦都好惹味！拼盘系炸虾饼同炸鱼饼，我食咗一份炸虾饼，感觉好弹牙，虾味都好甜！串烧有齐猪，牛，鸡各两串。三款都烧得好香好惹味！肉质不会过老，好香！不过最画龙点睛嘅系呢一碟沙嗲汁！甜甜地，有少少嘅花生香，好好食！咖喱大虾份量好大，咖喱充满椰香味！好开胃！不过虾如果可以弹牙啲就仲好！食咖喱当然要配上蒜蓉包！好香脆，牛油味亦都好香！最后一碟炒青菜亦都好味！最紧要系唔会过分油腻！