影片
更多
2022-07-22
758 浏览
10点钟夜妈妈揾野食，行过见到呢间泰国小店，一于去试下店面唔大，大概3张4人枱，企企理理，铺头播住泰文歌，挂住啲泰国人相，店员全部系泰国人，好似真系去左泰国咁坐低叫左一个虾金边粉，一个金不换炒辣肉碎配白饭加煎蛋，沙嗲鸡串，猪串，烧鸡翼各一，再加左杯芒果沙冰同泰式奶茶。泰式奶茶同港式奶茶唔同，有阵淡淡嘅香草香料味，但又无印度拉茶咁重味，多左层次又唔会太过浓郁，特别又好饮芒果沙冰就应该系用芒果糖水整嘅，好似旧时细个食嘅果啲雪条味，都几怀念个辣肉碎就几啱香港人口味，清香嘅金不换加上微辣嘅猪肉碎，少少豉油蚝油，咸甜适宜，加只脆边煎蛋，送饭一流虾金边粉应有嘅都有，不过佢既味道无其他铺头咁浓重，适量嘅酸甜味唔会令人觉得好腻，我地2个人食到只碟干干净净到个串烧同鸡翼，意料之外嘅好味鸡串同猪串都好juicy、好腍，表面仲甜甜地，做到蜜汁串烧咁；而鸡翼就多左阵焦香，好有风味食完大满足，埋单200蚊都唔使，呢餐宵夜食得好满意题外话：可能店面较细，好多人叫外卖，咁啱有个客人拎完外卖返返转头，问店员拎多1个外卖碗得唔得，泰国姐姐最后俾左2个佢，钱都唔收仲问够唔够，好有人情味
店面唔大，大概3张4人枱，企企理理，铺头播住泰文歌，挂住啲泰国人相，店员全部系泰国人，好似真系去左泰国咁
坐低叫左一个虾金边粉，一个金不换炒辣肉碎配白饭加煎蛋，沙嗲鸡串，猪串，烧鸡翼各一，再加左杯芒果沙冰同泰式奶茶。
泰式奶茶同港式奶茶唔同，有阵淡淡嘅香草香料味，但又无印度拉茶咁重味，多左层次又唔会太过浓郁，特别又好饮
芒果沙冰就应该系用芒果糖水整嘅，好似旧时细个食嘅果啲雪条味，都几怀念
个辣肉碎就几啱香港人口味，清香嘅金不换加上微辣嘅猪肉碎，少少豉油蚝油，咸甜适宜，加只脆边煎蛋，送饭一流
虾金边粉应有嘅都有，不过佢既味道无其他铺头咁浓重，适量嘅酸甜味唔会令人觉得好腻，我地2个人食到只碟干干净净
到个串烧同鸡翼，意料之外嘅好味
鸡串同猪串都好juicy、好腍，表面仲甜甜地，做到蜜汁串烧咁；而鸡翼就多左阵焦香，好有风味
食完大满足，埋单200蚊都唔使，呢餐宵夜食得好满意
题外话：
可能店面较细，好多人叫外卖，咁啱有个客人拎完外卖返返转头，问店员拎多1个外卖碗得唔得，泰国姐姐最后俾左2个佢，钱都唔收仲问够唔够，好有人情味
张贴
