小火山 (已結業)

寻晚竟然比我揾到间新奇有好食嘅泰国餐厅，系位于铜锣湾坚拿道西冠景楼嘅小火山。餐厅主打泰猪锅，即系烤肉+打边炉一锅二食。一到步店员会拎一个类似韩式烤肉板过黎开炉，唔同嘅系，板嘅周围系会放汤，而且一边系鸡汤，一边系牛骨汤，好盏鬼。食落就会知点解要咁做，阵间揭晓猪肉拼盘- 北海道千岁米豚：猪肉味突出，肉质细致- 波兰A级无骨猪腩：油脂分布均匀，而且切得唔薄，食落会多一层口感- 手切泰式猪颈肉：肉质结实爽口，切成条状，口感质感都一流- 泰式猪梅片：腩位，切成大大块，上台时会有一只生鸡蛋喺上面比大家捞埋一齐煮，所以肉质会更加滑身，虽然大旧，但口感松软，肉质细嫩，品质非常好，食完大满足- 芒果糯米饭：尾声甜品，完美落幕韩式烤牛肉就食得多，烤猪肉就少见，而点解要先打边炉，之后先拎去烧？我估系因为猪肉更着重口感，肉片较厚，所以先打边炉煮熟，再烤香，肉质会更嫩滑，肉味亦会更突出，效果系出奇地好，绝对刷新左我地猪肉嘅想像。呢餐非常满意，正正