一心素食 (已結業)

有日行经牛头角，见到有间楼上素食店，已经想试，呢日同朋友都想食清啲，就一齐嚟试吓。睇完 menu 发现原来有好多选择，食素都唔怕闷呀! 寿司卷杂菜汤乌冬 - 跟咗和风沙律，芝麻酱配沙律菜真系好夹，寿司面加咗紫椰菜，颜色吸引又有益，中间夹咗啲甜甜哋好似肉松嘅馅，点埋 wasabi 同豉油，好食! 乌冬嘅汤底望落好浅色，但味道出奇地鲜味，乌冬弹牙，加埋昆布、粟米、冬菇同水耕菜，既清新又丰富，估唔到素食嘅味道都可以咁好味。日式釜锅饭套餐 - 跟咗和风沙律、前菜同面豉汤。面豉汤加咗萝卜粒，面豉味好浓。釜饭嚟到就已经闻到阵阵黑松露味，食得有少少似煲仔饭咁，有饭焦，里面加咗杂菌、毛豆、蛋皮同栗子，捞匀食就最美味。大韩姜蜜 - 同朋友一样叫咗姜蜜，喺寒冬中驱驱寒意。平时最怕食素菜好油腻，呢度完全做到少油，下次想食素食都会再嚟帮衬。