影片
更多
2023-04-21
28 浏览
日日出街食饭， 食嚟食去都系𠮶几味， 有啲闷，今日想揾啲新菜式试下，近近哋就去铜锣湾喇 。喺开饭网见到介绍湘菜 ，湘系湖南嘅简称， 湘菜主辣， 对于食粤菜嘅香港人来讲，到底啱唔啱胃口呢 ？唔使担心， 喺呢度食饭， 有辣有唔辣， 有大中小辣 ，餐厅真系好窝心❤， 照顾唔同人嘅口味 ，我哋平时系唔怕食辣 ，所以湘菜对我哋嚟讲应该系有吸引力。 睇住开饭网嘅地图按图索骥 ，一路揾到铜锣湾骆克道 the L Square 一楼， 䢂门一打开， 就见到好骨子嘅餐厅， 洁白嘅装饰， 有啲似私房菜格局， 间咗几间房， 用湖南嘅名胜来命名，例如洞庭湖。 打开餐牌 ，真系一新耳目， 有啲平时未见过嘅菜名， 养生甲鱼， 湖南杀猪菜 ，糯米蒸排骨， 农家窝窝头等等。 第一次食湘菜 ，梗系要食啲有代表性的， 我搜集过资料先来。 第一 ，小炒黄牛肉，用大量嘅配料炒牛肉丝， 有蒜， 青辣椒，红辣椒，酸辣椒， 葱，芫茜 ，将牛肉丝爆香 ，牛肉鲜香嫩滑， 喺五颜六色嘅配料诱发下， 发挥出色香味最佳表现 ，成为餐厅嘅卖点。第二， 农家窝窝头， 呢个菜真系好特别， 六个啡色嘅窝窝头， 围住一小碗 蒜头辣椒炒梅菜， 见到就流
0 浏览
0 赞好
0 留言
日日出街食饭， 食嚟食去都系𠮶几味， 有啲闷，今日想揾啲新菜式试下，近近哋就去铜锣湾喇 。喺开饭网见到介绍湘菜 ，湘系湖南嘅简称， 湘菜主辣， 对于食粤菜嘅香港人来讲，到底啱唔啱胃口呢 ？唔使担心， 喺呢度食饭， 有辣有唔辣， 有大中小辣 ，餐厅真系好窝心❤， 照顾唔同人嘅口味 ，我哋平时系唔怕食辣 ，所以湘菜对我哋嚟讲应该系有吸引力。
睇住开饭网嘅地图按图索骥 ，一路揾到铜锣湾骆克道 the L Square 一楼， 䢂门一打开， 就见到好骨子嘅餐厅， 洁白嘅装饰， 有啲似私房菜格局， 间咗几间房， 用湖南嘅名胜来命名，例如洞庭湖。
打开餐牌 ，真系一新耳目， 有啲平时未见过嘅菜名， 养生甲鱼， 湖南杀猪菜 ，糯米蒸排骨， 农家窝窝头等等。 第一次食湘菜 ，梗系要食啲有代表性的， 我搜集过资料先来。
第一 ，小炒黄牛肉，用大量嘅配料炒牛肉丝， 有蒜， 青辣椒，红辣椒，酸辣椒， 葱，芫茜 ，将牛肉丝爆香 ，牛肉鲜香嫩滑， 喺五颜六色嘅配料诱发下， 发挥出色香味最佳表现 ，成为餐厅嘅卖点。
第二， 农家窝窝头， 呢个菜真系好特别， 六个啡色嘅窝窝头， 围住一小碗 蒜头辣椒炒梅菜， 见到就流口水， 非常巧妙嘅设计， 窝窝头反转好似一个碗仔咁， 可以装啲梅菜系中间， 包住原来食，梅菜唔使用肉炒 ，用蒜头辣椒炒仲更加好味， 梅菜嘅香味， 配搭窝窝头嘅面香， 简直就系天花板级别嘅美食， 农家菜之中嘅极品 ，太好味啦 ，呢个菜值得一再推荐推荐。
第三， 手撕包菜， 原来包菜即系椰菜， 呢度嘅炒法非常特别 ，用蒜头加醋嚟炒， 椰菜的甜味加醋嘅酸味，再加蒜头嘅香味， 混合出最好味嘅炒椰菜， 原来加啲醋炒菜就可以起到画龙点睛 ，锦上添花嘅效果，真系非常奇妙。
第四 ，红糖糍粑 ，最后梗系要试下特色甜品 ，炸香嘅糯米粉条 ，点红糖浆食， 糍粑外脆内软， 林啲红糖浆喺上面 ，特殊嘅香味将香脆嘅糍粑变成最美味嘅甜品 ，原来简单嘅食材都可以整出咁好味嘅甜品 ，真系佩服厨师的心❤思。
食完呢餐发觉自己孤陋寡闻， 原来湘菜有好多嘢好好食， 下次再来试其他嘅菜式。
张贴
