Burger Joys (士丹利街) (已結業)

今日要返part time，中间空档同同事到中环Burger Joys食晚餐。叫左两个汉堡，其中一个加$41跟餐，要薯堡，再加$31要云尼拿奶昔，散叫经典水牛鸡翼同可乐。芝士牛肉汉堡夹住生菜、番茄、紫洋葱、酸瓜。面包松软，牛肉松化唔会好实又juicy，整体好唔错。鱼柳汉堡大大个，鱼柳好厚，啖啖鱼肉，炸得香脆唔油腻，好味。薯堡好少见，所以要薯唔要薯条，食落脆卜卜，钟意薯堡之人一定要拣。经典水牛鸡翼辣辣的，好惹味。饮品系可乐同云尼拿奶昔。云尼拿奶昔好正，唔会太甜又好幼滑，忌廉亦顺滑，虽然十分邪恶但好满足。