潮味居海鮮潮州菜館 (已結業)

老友公司就在柯士甸路附近，话我知附近开了家潮味居，择日不如今日，见面不如改场地，一面倾谈一面擦，方有灵感做事！潮汕菜式，香港人不会不熟悉，风味卤水丶打冷小菜丶牛丸粉面丶鱼饭丶冻蟹等，想到已经流口水。至尊潮州卤水必要试，拼埋鹅肝就衬绝。卤水汁香浓，鹅肉嫩，鹅肝滑到不得了，以为只有法式煎，原来卤水煮到可以咁出色。卤水唔一定系鹅，叫个卤腩肉炆春菜煲试下，春菜系潮菜特色，五花腩肉名乎其实，已经炆到腍唒入味，送饭啱啱好。煎个蚝饼，劲多蚝肉，但厚身咗啲。豪啲食红烧翅，加埋花胶煲，胶质丰富，男人都要补，四十后皮肤仲可以咁弹。食埋绿豆爽，心情更爽，唔系太甜，口感真系爽。