蘇潮韓海火鍋私房菜

营业中

休息中

今日去咗荃湾同朋友行街，睇戏。睇完戏当然揾啲嘢食吓，朋友介绍我去大鸿辉中心打边炉，晚上六点前结帐有半价优惠，性价比高食物质素非常好，所以喺度推介一下。苏朝韩海火锅私房菜，地址喺众安街55号大鸿辉中心21楼，餐厅装修得好整洁，地方开阳座位空间亦都好足够，喺度食饭倾偈感觉特别舒适。金牌沙嗲汤底 88元，沙嗲味几香，又唔会辣，打边炉味道啱啱好。上等手切安格斯牛小排 268元，安格斯牛肉份量都好多好大碟，牛肉色泽红润非常新鲜，拖拖水已经可以食得，入口牛肉味好香浓，有入口即溶嘅感觉，加上脂肪比例分布均匀，牛肉味特别香，呢个牛肉真系一定要试，重点推介。招牌四式拼 108元，四只款式嘅饺子，每一粒size都好巨大，完全做到皮薄馅靓，咁平嘅价钱已经有四款水饺，真系好抵性价比好高。手打四宝丸 88元，卖相好吸，又好睇又好味，手打牛丸，牛肉味香浓，墨鱼丸爽口弹牙，芝士虾丸鲜味十足，每一个款式都各有特色，口感一流。哈虾油条 78元，油条吸收咗沙嗲汤底嘅味道，口感同味道层次都特别丰富，加埋啲虾肉特别爽口弹牙。鸡泡鱼干78元，最钟意食鸡泡鱼干，点少少沙律酱味道又鲜甜又好味，最呃用嚟送啤酒。