Chibee Chicken and Beer (已結業)

之前食过佢嘅香草芝士炸鸡念念不忘，所以约咗朋友嚟试吓其他款式嘅炸鸡。泡菜薯条 - 薯条有直身粗薯条同波浪薯条，配上有泡菜嘅芝士酱，唔错! 芝士玉米 - 粟米以铁板上，keep 住个热度，玉米甜甜哋再加上溶咗嘅芝士，好味! 天空奶昔 (Cloudy) - 乳酪见到颜色好靓，所以就拣咗佢，味道似益力多，食炸嘢同辣嘢，饮佢就最夹。天空奶昔 (Gloomy) - Oreo朋友叫咗 Oreo，佢话饮落好似食紧 Oreo 咁，几好饮~天空奶昔 (Sunset) - 芒果乳酪另外一个朋友就话佢𠮶杯芒果味好浓，酸酸甜甜咁。热溶芝士炸鸡 - oppa 拎嚟嘅时候好惊喜，热辣辣溶咗嘅芝士淋喺炸鸡上面，芝士味好香浓，炸鸡无骨，啖啖肉，炸鸡经过轻轻调味，淋埋又香又咸嘅芝士，劲惹味，食完醋汁椰菜沙律，同埋酸萝卜，中和返啲热气感，又可以继续作战。黄金咸蛋炸鸡 - 呢个好创新，炸鸡面有层咸蛋黄包住，食落好香口，出奇地夹，正! 韩式烤牛肉 Racbag - 牛肉唔系好肥𠮶种，加埋啲芝士、洋葱同菇类，配上法包，好食!香辣鸡肉 Racbag - 香辣嘅炒鸡肉，加埋芝士同年糕放喺法包上，劲惹味。