葫蘆燒肉刺身

营业中

休息中

放假就想去试下唔同嘅嘢食。呢间都系我哋想试嘅其中一间，主打食烧肉，但都有丼同刺身今次食午餐。本身想食香葱盐酱豚肉丼，但冇得供应，想加$20叫2片三文鱼刺身，刺身师傅未返😅。最后叫咗午市烧肉套餐，美国牛肩胛+猪颈肉$78，配面豉汤+餐前小食，另加$8将白饭换咗菜，拎嚟衬肉食，再叫一个滑蛋鳗鱼丼。烧肉套餐嘅肉都唔错🤤！猪颈肉🐷唔会腥，相信都系新鲜，牛肉都几香口。有三种酱汁俾客人任添用，柚子酱、烧肉酱、盐酱三种都唔会太浓，唔会遮盖本身嘅肉味。但用之前记得摇摇个樽，D馅沉咗底。滑蛋鳗鱼丼都唔错😋，鳗鱼🐟都几大块，蛋🥚真系滑蛋👍🏻，饭🍚都几大碗。所以平时行过都见到唔少人帮衬，下次可以再去食😆。