影片
更多
2008-02-21
5 浏览
想去牛皇星好耐，早两星期试去等位，但系太多人，结果食唔成。琴晚上个客度拜年，佢见意去试下牛乜乜，因为佢话未试过，唔系好记得个名，我话OK，跟住佢去度门口，心念正！入门口已经见度条好大嘅沙鯭(唔系泥鯭)，劲开心！因为唔系成日有得卖。出奇地唔驶等位，第一次坐楼上，都几大几舒服。阿姐知道我个客第一次黎，猛咁叫佢黎多D，我同佢讲之前黎过两次都等唔度位点成日黎？阿姐笑笑口话，冇计太好生意，今次食多D，然后猛Sale海鲜，话D橡跋蚌点好点好，我极少出街食橡跋蚌，因为觉得好似比钱食个壳同水(因为橡跋蚌劲吸水)，加上已前系S.F. 有个卖鱼嘅老师傅教过我处埋橡跋蚌同整刺身，所以差不多有六、七年冇出街食橡跋蚌，阿姐冇瘾走开，哈哈。最后叫左，虾刺身，沙鯭，牛肉粒，手切牛(脊位)，醉鸡件，黑牛柏叶，墨鱼滑，生菜，豆苗，海底栮汤底。亚叔落完单又Sale橡跋蚌，天啊！！海底椰汤底，够浓栮香，真系想知佢地用几多椰奶，椰肉加埋海底椰，成晚食极都有。虾刺身，切得几好，唔会碎湿湿，生食够甜，半熟食够弹，虾头算多膏。沙鯭，切片做刺身，我地冇人够胆生食，下次要叫佢件上，因为切得太薄落完汤D鱼味走得七七八八，大件D，鱼味Ke
琴晚上个客度拜年，佢见意去试下牛乜乜，因为佢话未试过，唔系好记得个名，我话OK，跟住佢去度门口，心念正！
入门口已经见度条好大嘅沙鯭(唔系泥鯭)，劲开心！因为唔系成日有得卖。出奇地唔驶等位，第一次坐楼上，都几大几舒服。
阿姐知道我个客第一次黎，猛咁叫佢黎多D，我同佢讲之前黎过两次都等唔度位点成日黎？阿姐笑笑口话，冇计太好生意，今次食多D，然后猛Sale海鲜，话D橡跋蚌点好点好，我极少出街食橡跋蚌，因为觉得好似比钱食个壳同水(因为橡跋蚌劲吸水)，加上已前系S.F. 有个卖鱼嘅老师傅教过我处埋橡跋蚌同整刺身，所以差不多有六、七年冇出街食橡跋蚌，阿姐冇瘾走开，哈哈。
最后叫左，虾刺身，沙鯭，牛肉粒，手切牛(脊位)，醉鸡件，黑牛柏叶，墨鱼滑，生菜，豆苗，海底栮汤底。
亚叔落完单又Sale橡跋蚌，天啊！！
海底椰汤底，够浓栮香，真系想知佢地用几多椰奶，椰肉加埋海底椰，成晚食极都有。
虾刺身，切得几好，唔会碎湿湿，生食够甜，半熟食够弹，虾头算多膏。
沙鯭，切片做刺身，我地冇人够胆生食，下次要叫佢件上，因为切得太薄落完汤D鱼味走得七七八八，大件D，鱼味Keep得好D，但系鱼肉依然好滑，头、骨、皮做椒盐，正！！冇over-cook，唔太重味，鱼汁依然好多，好鲜甜好味，D鱼皮就麻麻，够味但太多油，证明佢地唔系只系一间火㶽店。
牛肉粒，品质依然！我个客都话甘大粒都可以咁Tender，好正！
手切牛(脊位)，始终冇牛粒咁肥，所以味道差D，不过都好Tender！加埋D椰香，真系一流
醉鸡件，一般，D鸡唔系好靓，唔知系唔系冰得太耐，冇乜鸡味，见佢用料都好足，药材都好多，但系都系冇乜味道。
黑牛柏叶，爽!! 唔知仲可以点形容。
墨鱼滑，弹口，够墨鱼味。
生菜，豆苗，好靓，特别系生菜，选料好细心。
非常满意嘅一餐，服务都算细心，特别系收碟，有一片好细嘅刺身食留左都醒我地，我地追加竹柑水时，又帮我地倒清先再加，哥仔话唔好浪费。黎过两次都冇试过无礼对待，同D伙记都有讲有笑，上次佢地太忙出唔切菜，连厨房嘅师傅都要边切边帮手传菜，系好似有D唔卫生，但系我冇乜所谓又唔系五星级酒店，仲赞佢刀法好，切牛切得好靓，师傅不知几开心，仲话比我地听乜野新鲜。
埋单千六，我个客坚持佢请，咁就一餐非常高质数免费餐，多谢哂！
除左刺身虾贵左D，五佰几蚊四只，其他都好合理C
张贴