MangoChaCha (已結業)

返左成日工，响尖沙咀食完晚饭就上openrice系附近揾甜品食，最后决定去mangochacha试试！舖头用芒果做主打，听落有啲寡，但食落原来又几正㖞！首先舖头装修好简单舒服，以素色为主，环境感觉上好干净整理，位置都几易揾，灯光暗暗地几适合情侣一齐黎食甜品，够哂浪漫。一个人黎食既我，就叫左个旧情人（$68）试试，入面有芒果刨冰、黑糖刨冰、芒果雪糕同芒果肉，一次过满足哂我四个愿望！首先芒果刨冰好有芒果味、甜度都岩岩好，因为黑糖刨冰都几甜，芒果刨冰岩岩好既甜味无令到整个旧情人变哂「糖水」咁既款。另外，芒果果肉都十分特别！同平时食开既芒果唔同，餐牌话佢地用既芒果叫爱文芒果，食落并无平时食开既芒果咁甜，个种味道好难去形容，总之就好特别啦，一句讲哂好味！旧情人顶部仲有个芒果雪糕，比起平时系超级市场买既真系好食得多，芒果味好突出，最正既系雪糕里面仲有类似芒果定芒果干既野，仲有得咬下添！虽然一条友黎嗌个68蚊既甜品有啲肉赤。但系坦白讲，平时食开都系普通糖水舖，甜品种类都系差唔多，香港好似比较少有呢类特色甜品舖，既真系做到咁多款甜品之余、又几好食，如果迟下香港可以有多啲呢类型既糖水舖，就好喇！