豬手工房

营业中

休息中

今日去位于大围既猪手工房晚餐。餐厅用左木造彩色的墙壁，配上深色大梳化，同灯光柔和既植物吊灯，装修很有独特的风格。除左室内仲有超大既户外座位，环境很好，好适合一班朋友聚下。黎到当然要食佢最出名既招牌脆爆咸猪手啦，猪手炸到金黄香脆，外皮酥脆内里嫩滑，肉质鲜嫩，味道刚好唔会太咸，而且份量十足！加上酸椰菜和芥辣一齐食，完全唔会觉得肥腻，口感一流，非常美味，真系必食之选 。另外，仲叫了香煎牛舌，有五大厚片，下面配有沙律菜垫底，牛舌煎后仍保持肉质鲜嫩，再配上佢地特制的酱汁，令味道增加更多层次，带来丰富口感，超正。食猪手牛舌梗系要饮下啤酒啦，但平时唔饮开酒既我亦有0%酒精既水蜜桃啤酒作为最好既选择！虽然系啤酒但亦无乜苦涩味加上有粒粒桃增加口感，非常适合平时唔多喝酒既人同女仔！最后仲食埋个甜品提拉米苏芝士蛋糕Tiramisu，蛋糕口感幼滑，芝士味够浓，非常唔错。这餐厅除了招牌猪手外，仲有好多其他食物选择，下次一定要再来试下。