啖啖燕窩 (已搬遷) 新店位置

响观塘工厦揾食之后就当然要行下街啦。而且一般女仕都系钟意食下甜品做结尾既。行到五楼呢间舖头，响外面完全唔会睇到入面既间隔。都有谂过好唔好推门入去既。好彩㨂左推门啫。入面得三张枱，可以坐6个人。周围都系介绍燕窝、花胶、雪燕、鲍鱼等。有教人点煮，又有教话边类人可以食乜野。有汤水既、有甜品既。睇到餐牌仲知道佢地做外卖添。买得多仲可以免费送货。鲍鱼佢地有红烧同埋矶煮鲍鱼！分别系$68三只，$78四只。问老板边只好，佢话矶煮好味d. 咁都真系既！朋友叫左雪燕、我叫左北海道3.6牛乳红枣杞子花胶，有原只花胶，红枣大大只仲有味既。热食甜甜地真系唔错既甜品。呢间商舖仲可以用支付室既收费工具，方便唔带现金出街既朋友。