影片
更多
2011-09-23
44 浏览
星期一我地八个人嚟左呢度食羊,朋友一直都话呢度好好味,全部都系食羊既,所以就嚟左呀!一早订左位坐圆枱,餐厅系食新疆菜,环境都好有feel呀!餐牌系布做架,仲有好靓既图案添,地方唔算大.仕应一早已摆好晒枱上既餐具还有一碟紫椰菜丝,味道都几好,爽爽甜甜加埋d芝麻,good呀!我地点左都几多嘢食呀:先嚟个羊肉汤,我之前唔食羊架,因唔系好钟意d酥味,不过呢个汤闻落去好似好酥但饮落去一d都唔酥架,好味呀,有些红萝白丝,冬菇丝,一些葱花,羊肉,饮好暖呀!跟住就系酸辣海蜇拌老虎菜,这个系仕应介绍的,酸酸地好开胃呀,红萝白条,海蜇条,腰果脆卜卜,好有口感,味道都好好,加埋d老虎菜一齐食好清新.炒紫椰菜,同餐厅免费供应的差唔多,不过就切得大块d,都系爽甜又爽口架.大漠羊松手抓卷,好似寿司手卷咁,好特别,朋友极力推介话好好味,外层系手抓饼,入面系有些羊松,花生粒,仲有些香叶一齐食,好香同埋都真系好味呀,不过要食得小心d,因为会跌晒出嚟.我地叫左9个添呀!!哈蜜瓜炸牛腩,朋友见到个名好特别所以好想试下,卖相好靓架,用两件哈蜜瓜夹住一件牛腩来炸,味道都好特别,外层甜甜地,入面系牛既咸味,好味呀,牛腩保持住有肉
餐牌系布做架,仲有好靓既图案添,地方唔算大.仕应一早已摆好晒枱上既餐具还有一碟紫椰菜丝,味道都几好,爽爽甜甜加埋d芝麻,good呀!
我地点左都几多嘢食呀:
先嚟个羊肉汤,我之前唔食羊架,因唔系好钟意d酥味,不过呢个汤闻落去好似好酥但饮落去一d都唔酥架,好味呀,有些红萝白丝,冬菇丝,一些葱花,羊肉,饮好暖呀!
跟住就系酸辣海蜇拌老虎菜,这个系仕应介绍的,酸酸地好开胃呀,红萝白条,海蜇条,腰果脆卜卜,好有口感,味道都好好,加埋d老虎菜一齐食好清新.
炒紫椰菜,同餐厅免费供应的差唔多,不过就切得大块d,都系爽甜又爽口架.
大漠羊松手抓卷,好似寿司手卷咁,好特别,朋友极力推介话好好味,外层系手抓饼,入面系有些羊松,花生粒,仲有些香叶一齐食,好香同埋都真系好味呀,不过要食得小心d,因为会跌晒出嚟.我地叫左9个添呀!!
哈蜜瓜炸牛腩,朋友见到个名好特别所以好想试下,卖相好靓架,用两件哈蜜瓜夹住一件牛腩来炸,味道都好特别,外层甜甜地,入面系牛既咸味,好味呀,牛腩保持住有肉汁及肉质都仲好滑的
古法羊胺,我地咁多人叫左珍宝,每人一件,好香好吸引呀,唔会好生,唔会好肥,加埋d孜然粉及辣椒粉嚟食,好好味呀,我完全唔觉得酥,烤得啱啱好,好香口及惹味,啖啖肉架,好钟意!!
蜜味肥羊叉烧,我初初真系以为系叉烧,卖相系同叉烧一样架,原来系羊肉,所以味道系有一点点分别,但唔系好出既羊酥味,蜜汁甜甜地加埋叉烧肥肥地好好味㖞,朋友话用嚟送黄姜饭一流,佢话d蜜汁甜甜地整落碗本来唔系好重姜味既饭度,就变左好好味呀!!
当归杞子汤浸崩沙羊腩,这个汤系好兹补的,有当归还有杞子,不过都唔系好浓味的,崩沙羊腩好淋好好味,好易入口,一咬即断,唔会有根,又唔系好肥,加埋浸左落d汤度所以都好有当归杞子既味道.
本来朋友还order左梅花鹿肉的,不过餐厅已经冇做,好彩冇嚟,因为已经食左好多啦!!
还order左每人一个羊奶冻,样子似布甸,用羊奶嚟做,好滑好味,唔觉好出既羊奶味.唔系好甜,味道啱啱好.
食羊既人果然有福了!!
张贴
