豆豆餅店

营业中

休息中

去崇志街食街食完午饭，路经焕然壹居，被牛油香味吸引，见到蛋挞$3.5一只又好靓仔，未试过嘅新包店，买定半打3.3都唔错，试大掂唔掂。入到店内，仲有 $3.5 一只细 size老婆饼同合桃酥 ，8只有盒装，又买8只，买多两只义烧餐包($7/只) 同加麦方包做明天两公婆同细路嘅早餐，唔觉唔觉，买咗好多，店员态度好，收银亦快手。到三点三，冲定咖啡叹下先，老婆饼用平底镬白镬加热三分钟，一流，两下就畀人清哂，所有包点都好得，性价比高，家人都赞蛋挞同老婆饼好食，连义烧餐包都畀人食咗个，唔系空气包，质感好。第二朝食加麦方包做日本蛋治，依然松软清香，配日本蛋，唔错唔错。街坊价钱，高质素包点，新店卫生唔错，店员有礼，会继续帮衬。