Marble (已結業)

再访铜锣湾皇冠假日酒店嘅Marble今次食午餐 依然美味！尾崎牛、时令海鲜非常高质、新鲜！无论食物同环境 都是一种享受🔸 石垣贝、金目鲷刺身石垣贝口感非常正，厚身又好弹牙，而且食到甜味👍🏻！金目鲷油分愈甘香，又软又弹牙，好好食！🔸日本墨鱼配风干鱼子酱厨师将墨鱼切成阔条面形状，用忌廉汁煮成，就似食紧好弹牙嘅意粉咁，但又唔会腻。风干鱼子酱，好有咸香，同墨鱼好夹。🔸 日本鳗鱼 师傅煎到鱼皮卜卜脆，鱼肉绵密，加埋惹味鳗鱼汁，非常好食！配埋山椒叶、昆布，香气满溢！🔸宫崎和牛三文治三文治中间夹了厚厚嘅和牛，牛味浓，质地超级松软又有咬口，配红酒面豉酱、红姜，非常好味！🔸 金鏻鲷好特别嘅菜式，鱼皮同鱼鳞炸到好脆，但中间鱼肉仲保持到嫩滑有汁，口感好丰富。配埋烘过嘅稻穗🌾食，增添咬口。🔸尾崎牛肉拉面❤️超级好食！！👍🏻👍🏻👍🏻牛肉香软，入口软绵绵。用咗鸭蛋黄造嘅面好弹牙，软硬适中，好好食！酱油汤底配搭得刚好，完美！🔸山梨县桃、静冈县蜜瓜最后就到水果，系时令嘅日本桃同蜜瓜，好香好甜，食到好满足！