天丼 (已搬遷) 新店位置

之前见到YOHO原址封板，仲以为冇得再食，今日才发现搬了新地方。好彩仲有得食，作为喜欢食天妇罗的我实在太开心了。今日食穴子海老天丼，上菜时店员提醒要先食穴子，确保肉质唔会变淋，所以第一啖就系食穴子，又真系鱼肉肥美，炸粉又唔厚，好好食。所有天妇罗都系即炸即食，即使如蔬菜类都可以保持到鲜甜，食得材料好新鲜好优质。意料之外地最欣赏嘅系白饭，选用日本珍珠米，粒粒饱满有弹性，淋上特配的酱油，甜咸得宜，令人好开胃，始终觉得天妇罗同白米饭系最佳配搭。 套餐包埋一小碗味噌汤，一杯热茶，如果包埋野饮就好了。个人认为落少少七味粉更惹味更吸引。