MUM 日常野菜料理 (已結業)

我平时习惯多食素都系自己煮，估唔到出街食都有咁高质嘅日式素食。四项配菜套餐($125)野菜天妇罗一定要趁热食！脆皮超酥～入面嘅南瓜又甜又Creamy，秋葵劲Juicy，鸡脾菇又嫩滑，超级好味。不过洒盐好似唔太均匀，有一两啖特别咸。萝卜冬菇关东煮通常关东煮汤底都偏甜，但呢份就无呢种甜味，清淡嘅汤底中湛出一阵花椒香。萝卜冬菇吸收汤汁后超好味！高野豆腐配胡麻蒟蒻豆腐系脱水豆腐，所以较有咬口。上面系蒟蒻贴同豆苗，加埋芝麻酱都几香几清新。芝麻波菜味道同上一道嘅芝麻酱差不多，可能食惯韩式嘅腌波菜，呢个相对较干同有点难咬，不过个芝麻酱真系好香。味噌汤蔬菜好丰富，有菇有嫩豆腐，汤底好清甜，非常用心去煮。